Udalbatzak jakin badaki nolako desberdintasunak dauden gizonen eta emakumeen artean, aukera berdintasunari dagokionez eta, aldi berean, egiazko berdintasuna lortu nahi duenez, Udalak hainbat neurri bultzatu ditu legealdia hasi den une beretik. Lehenbizikoa hauxe izan da; Emakumearen Zinegotzigoa sortu eta abiaraztea, emakumeari zuzenean eta zeharka dagozkion gai guztiak bideratzeko. Ekimen horren ondorioz, eta Udalbatza guztia gai honi lotu dakion, Emakumearen Batzordea eratu dugu; udal talde guztiak dira batzordekide.

Neurri zehatzei dagokienez, emakumeak Uharten duen egoerari buruzko azterlana egiten ari da, eta aztergai ere badago herritarrek nola hautematen duten egoera hori; ikerketaren emaitzak kontuan hartuta eta egin beharreko azterlanaren ondotik, Uharteko gizon eta emakumeen arteko Aukera Berdintasunaren lehen Udal Plana eginen da; gero, plan hori oinarri harturik, behar adina neurri hartuko dira aukera berdintasunean egiazki aurrera egiteko.

Emakumearen Batzordeak, besteak beste, Uharteko emakumearen elkartegintzari eman dio lehentasuna eta, lehentasuna ere, emakumearen kezkei eta itxaropenei; izan ere, batzordearen iritziz, elkartegintzak emakumearen egoera hobetu dezake.

Udalaren administrazio-unitate guztiek eta gainerako kultur taldeek laguntza ematen diete Andre Mari emakume elkarteak antolatzen dituen jarduketa guztiei.

Emakumeari buruzko azterlana sustatzeko, Emakumearen Batzordeak narrazio laburreko I. literatur lehiaketaren deialdia egin du, "Relata" izenburupean. Bi modalitate daude: euskaraz eta gaztelaniaz; haietako bakoitza 900 euroz hornitua dago.