Ugarrandiako plan partzialaren bidez, Uharte hegoalderantz zabalduko da; horrela, egungo erdigunea eta Arga errekaren meandroa loturik geldituko dira. Argaren bazter horiek udalerriko ingururik aberatsenak dira ingurumenari eta paisaiari dagokienez.

Zehazki, 800 etxebizitza eraikiko dira; % 60 babestuak, eta besteak prezio librean. Azken horien artean, 66 etxebizitza atxikiak izanen dira. Urbanizazio lanak 2002ko urrian bukatu ziren. Uharteko Udalak inguru horretan eskura duen lurzoruan 300 etxebizitza sustatuko dira, denak babestuak; haietatik, 130 (70 babes ofizialekoak eta 60 libre tasatuak) 2002ko martxoan hasi ziren eraikitzen Urarte Sozietate mistoaren bidez. Sozietate horretan partaide dira MRA eta Areacea.

Udal Sozietateak beste jarduera bat ere egin du; hots, lurzorua saldu du, Ugarrandian sustapen pribatuaren bitartez beste 49 etxebizitza babestu eraikitzeko. Gaur egun, eraikitzen ari dira (29 babes ofizialekoak eta 20 libre tasatuak).